Каб прыцягнуць увагу аўдыторыі да новай акцыі брэнда, мы прыдумалі неўтаймаваных балельшчыкаў і зрабілі іх галоўнымі героямі дызайн-канцэпцыі рэкламнай кампаніі. Таксама мы распрацавалі прома-сайт Coca-Cola. Euro-2012, дзе змясцілі правілы акцыі і інфармацыю пра магчымасці атрымання акцыйных прызоў.
Пасля запуску сайта мы прывялі на яго мэтавую аўдыторыю – патэнцыйных пакупнікоў напою, якія цікавяцца футболам і спортам. Для гэтага мы правялі маніторынг беларускіх спартыўных рэсурсаў і вызначылі пляцоўку з найбольшай колькасцю мэтавых карыстальнікаў. Быў абраны сайт goals.by, які штодня наведвала больш за 15 000 чалавек і дзе актыўна абмяркоўвалася тэма футбола. Мы забрэндавалі гэты сайт і размясцілі на ім прома-банеры акцыі. Дадаткова мы запусцілі серыю рэкламных аб’яў Coca-Cola. Euro-2012 у сацыяльных сетках ВКонтакте і Facebook.
