Кампанія DAB-Embedded займаецца поўным цыклам распрацоўкі і вытворчасці электронных прадуктаў і пастаянна сутыкаецца з бар'ерам у свядомасці сваіх заказчыкаў, якія сцвярджаюць: «комплексныя электронныя рашэнні – гэта вельмі складана». Нам трэба было распрацаваць сайт, які дапамог бы заказчыку гэты бар'ер пераадолець.
У першую чаргу, мы распрацавалі візуальны стыль будучага праекта і лагатып кампаніі DAB-Embedded. Мы выкарыстоўвалі строгі шрыфт з чыстымі контурамі і ўмоўную выяву «напрамкі». Лагатып стварае адчуванне руху, напластавання; падкрэслівае шматслойнасць, шматзадачнасць рашэнняў кампаніі DAB-Embedded. І, адначасова, іх прастату.
Таксама мы распрацавалі карпаратыўны сайт кампаніі DAB-Embedded. Праект арыентаваны на мэтавую аўдыторыю DAB-Embedded – уладальнікаў бізнесу, венчурных фондаў і стартапаў, а таксама тэхнічных спецыялістаў. Праект адрозніваюць просты і чысты дызайн, зручная навігацыя. Сайт прыцягвае ўвагу да брэнда, распавядае пра кампанію і яе сэрвісы.
Паколькі сайт камунікуе з дзвюма мэтавымі аўдыторыямі, мы вылучылі дзве часткі з апісаннем тэхнічных магчымасцей DAB-Embedded. Раздзел «Сэрвісы» разлічаны на тэхнічных спецыялістаў, чыя праца звязана ў тым ліку з пошукам падрадчыкаў і кантролем за рэалізацыяй тэхнічных працэсаў. Тэксты гэтага раздзела лаканічныя і канкрэтныя.
Раздзел «Кейсы» арыентаваны на ўладальнікаў бізнесу. У ім падрабязна апісаны распрацоўкі DAB-Embedded. Тэксты выкананы ў фармаце бізнес-кейсаў. Такі фармат дазваляе больш падрабязна апісаць задачы, што стаялі перад кліентам, тое, як яны былі вырашаны, і што атрымалася ў выніку.
У праектаванні мы максімальна падкрэслілі экспертнасць кампаніі DAB-Embedded. У навігацыі вылучаны раздзел «Кваліфікацыя» з падрабязным апісаннем кампетэнцый каманды і пераваг DAB перад канкурэнтамі.
