Жанчыны ва ўзросце 18 – 35, у асноўным, гарадскія жыхаркі.
Задача
Правесці навагоднюю актывацыю ў digital, выкарыстоўваючы ў камунікацыі ключавы вобраз брэнда – персанаж Лёгкі голад.
Мэты
Узмацніць пазнавальнасць брэнда, уцягнуць карыстальнікаў у камунікацыю з брэндам.
Работы
Распрацоўка крэатыўнай канцэпцыі; дызайн, вёрстка, праграмаванне, настройка аналітыкі; правядзенне рэкламнай кампаніі ў сацыяльных сетках.
Рашэнне
Адчуваць Лёгкі голад на Новы год? Хіба так бывае?
Навагоднія святы, мабыць, адзіны перыяд у годзе, калі ніхто не думае пра дыеты і купляе ў крамах усе гэтыя каларыйныя, радасныя прадукты. Калі ў халадзільніку стаіць міска аліўе, а на стале – кошык з мандарынамі, не прагаладаешся. Дык як жа ў такой сітуацыі паступіць Лёгкаму голаду? Што адбываецца з персанажам на Новы год? Мы знайшлі яму месца! І прыдумалі навагоднюю кампанію .
У навагоднюю ноч Лёгкі голад апынуўся за бортам свята, за акном, адзін. Ён стаіць на вуліцы, і ніхто яго не чакае ні ў воднай з кватэр, ні на адным баляванні. Што ж застаецца маленькаму жоўтаму персанажу? Вядома, расказаць пра свае пачуцці. На прома-сайце Лёгкі голад выконвае навагоднюю песню Пакінутага і распавядае пра свой нялёгкі святочны лёс: «Голад і холад – цяпер мы сябры. На Новы год ты адмовілася ад мяне, а я любіў, так любіў цябе».
Наведвальнікі прома-сайта маглі слухаць песню Лёгкага голаду і пры гэтым апранаць персанаж у пацешныя касцюмы. Дарэчы, у першапачатковым варыянце нашы дызайнеры падрыхтавалі для Голаду не толькі швэдар аленя і касцюм супермэна, але і белую піжамку з фальбонамі, але потым ад гэтага ўбору вырашылі адмовіцца.
А яшчэ мы запісалі некалькі варыянтаў голасу Лёгкага голаду: у пошуках правільнай інтанацыі мы прасілі акцёра, які агучваў Голад, шукаць усё новыя і новыя сумныя ноткі ў голасе. Дзіўна, што падчас запісу ў студыі нам было так смешна...
Медыяпадтрымка
Пасля запуску прома-сайта мы правялі рэкламную кампанію па прыцягненні на яго мэтавай аўдыторыі. Былі выкарыстаны: таргетаваная рэклама ў Facebook і ВКонтакте, пасеў навіны пра запуск прома-сайта ў беларускіх суполках ВКонтакте. Найбольш якасную аўдыторыю дала таргетаваная рэклама ў ВКонтакте: карыстальнікі з ВК правялі на 22% вышэй за сярэдні час на прома-сайце і на 24,8% часцей дзяліліся спасылкай на навагодні праект са сваімі сябрамі ў сацсетцы. Найменш эфектыўнай паказала сябе таргетаваная рэклама ў Facebook.
Рэкламная кампанія доўжылася 11 дзён – з 20 да 31 снежня 2014 года.
Рабочая група
крэатыўная ідэя Надзя Зелянкова, Захар Шлімакоў
тэкст песні Оля Мысліўчык
дызайн Надзя Макеева
вёрстка Ваня Пасечны
праграмаванне Дзіма Страпко
агучванне персанажа Аляксандр «Памідораў» Крывашэеў
