Сайт і інтэрактыўныя сервісы для брэнда «Крыніцы Расіі» (Wimm-Bill-Dann)

Мы распрацавалі канцэпцыю сайта «Крыніцы Расіі». Гэты праект не проста прысвечаны брэнду і прадукцыі, але таксама распавядае пра расійскую прыроду і дазваляе аўдыторыі падзяліць з брэндам сацыяльную адказнасць за захаванне і прымнажэнне прыродных багаццяў сваёй радзімы. У кантэнце сайта вылучана некалькі асноўных тэматычных раздзелаў: інфармацыя пра брэнд і прадукцыю, пра расійскую прыроду – яе лясы і водныя рэсурсы, пра сацыяльную актыўнасць брэнда, накіраваную на аднаўленне лясоў і ахову навакольнага асяроддзя. Асаблівае месца на сайце занялі інтэрактыўныя карты лясных масіваў, месцаў пасадак дрэў і радовішчаў вады «Крыніц Расіі». І, вядома ж, інтэрактыў. Забаўляльныя і пазнавальныя сэрвісы і гульні залучаюць аўдыторыю ў працяглую камунікацыю з брэндам.

Першы этап акцыі «Дапаможам прыродзе разам» прайшоў у рамках агульнай Праграмы па аднаўленні расійскіх лясоў з 1 ліпеня да 31 кастрычніка 2011 года. Яе ўдзельнікам рабіўся кожны, хто на працягу гэтага тэрміну хаця б адзін раз набыў ваду «Крыніц Расіі». Частка атрыманых ад продажу вады сродкаў пералічвалася на аднаўленне лясоў на тэрыторыі Расійскай Федэрацыі. Удзельнікі акцыі атрымлівалі на сайце віртуальныя падарункі: калекцыі фірмовых шпалераў на рабочы стол, арыгінальны скрынсейвер, віджэт «Дрэва». Пры рэгістрацыі 10 літраў, што, па ўмовах акцыі, азначала пасадку 1-го дрэва, карыстальнік атрымліваў доступ да сэрвісу «Дрэва і я».

Кожны ўдзельнік акцыі «Дапаможам прыродзе разам» мог пасяліцца на віртуальным дрэве, якое мы «вырасцілі» на сайце. Каб узлезці на дрэва, было дастаткова зарэгістраваць коды на 10 літраў вады «Крыніцы Расіі», загрузіць сваю фатаграфію і выбраць героя, які спадабаўся. Пасля рэгістрацыі кодаў карыстальнікі атрымлівалі ганаровыя тытулы, галаўныя ўборы і рухаліся ўгару па лесвіцы тытулаў на дрэве – ад юнага натураліста да ляснога цара, у залежнасці ад колькасці пасаджаных дрэў. Самыя актыўныя ўдзельнікі акцыі траплялі ў Топ-10.

Другі этап акцыі «Дапаможам прыродзе разам» праходзіў з 1 чэрвеня да 30 верасня 2012 года. У ёй узялі ўдзел больш за 2 300 валанцёраў з сямі рэгіёнаў Расіі, якія пасадзілі 50 000 маладых дрэў у дварах, прыгарадных лясах і нацыянальных парках. У рамках акцыі праводзіўся конкурс «Ствары свой лес». Карыстальнікам было прапанавана падаць заяўку на азеляненне свайго двара, а таксама заяўку на ўдзел у пасадках. Добраахвотнікі маглі: дадаваць свае фатаграфіі ў інтэрактыўную галерэю і дзяліцца сваім статусам валанцёра з сябрамі ў сацсетках. Акрамя гэтага, карыстальнікі сацсетак бралі ўдзел у галасаванні за даданыя карыстальнікамі двары і ў фарміраванні рэйтынгу. Па выніках галасавання карыстальнікаў і журы былі адабраны пяць двароў у кожным з пяці гарадоў-удзельнікаў, куды для пасадкі дрэў накіравалася каманда «Крыніцы Расіі».

праектаванне Гоша Загайнаў

дызайн Наташа Ціханенка, Віталік Янушэўскі, Іра Зносак, Юрась Шуст

арт-дырэктар Іра Зносак

вёрстка Ігар Марозаў

флэш-анімацыя Сяргей Шкатула, Віталік Янушэўскі

тэхнічны дырэктар Жэня Голубеў

кантэнт-менеджары Таня Нарэйка, Саша Пажыток

кліент-менеджар Лера Кухарэнка

праект-менеджар Надзя Людчык