Усё пачалося з рукавіцы і думкі пра тое, што нядрэнна было б яе згубіць. Такая ідэя нарадзілася ў галаве неўтаймаванага капірайтара Publicis Hepta Belarus Мікалая Крыўца.
Першапачаткова карыстальнікам прапаноўвалася пакідаць на сайце заяўку пра страту рукавіцы і атрымліваць у падарунак ад Hepta новую пару. Потым гэтая ідэя была развіта ў
«Cэрвіс адзінокіх рукавіц». Любы карыстальнік, які згубіў ці знайшоў рукавічку, мог апублікаваць з яго дапамогай сваю аб’яву. І – няхай будзе яму шчасце, радасць і знойдзеная рукавічка!
Дарэчы, першым аб’яву пра страту сваёй фінікавай рукавіцы апублікаваў мінчук Кірыл. А першай рукавічкай, якая знайшла свайго гаспадара, стала чумавая рукавіца, згубленая каля ўваходу ў «У-бар».
«Сэрвіс адзінокіх рукавіц» быў адмаляваны, звярстаны, запраграмаваны, пратэставаны і запушчаны ўсяго за 4 працоўныя дні.
