Мы распрацавалі лагатып і фірменны стыль кампаніі. Лагатып лаканічны. Ён сімвалізуе штогадовы цыкл сельскагаспадарчых работ, кола жыцця і падкрэслівае пастаяннае развіццё і ўдасканаленне «СВ Машыны».
Карпаратыўны сайт «СВ Машыны» – гэта іміджавая і камунікацыйная пляцоўка кампаніі ў Інтэрнэце. Тут прадстаўлены прадукты і рэалізаваныя праекты «СВ Машыны». Асноўны лейтматыў камунікацыі: «Вы прыйшлі ў правільнае месца да кампетэнтных людзей. Мы чакалі вас і гатовы працаваць з вамі».
Працуючы над прадстаўленнем каталога, мы падзялілі яго на тры буйныя блокі («Сельскагаспадарчая тэхніка», «Прамысловасць і абсталяванне», «Сэрвіс і запасныя часткі»). Кожная мадэль з каталога прадстаўлена асобна і мае тэкставае, фота- і відэаапісанне. Карыстальнік можа выбіраць мадэль са спіса ў адпаведным блоку ці шукаць пры дапамозе формы пошуку.
Зыходзячы з маркетынгавых мэт кліента, мы вызначылі асноўнае канверсійнае дзеянне на сайце як запыт кошту ці заказ званка. Прадуктовыя старонкі спраектаваны такім чынам, каб ажыццявіць мэтавае дзеянне было як мага прасцей: форма запыту кошту знаходзіцца непасрэдна на старонцы тавару. Форма заказу званка з’яўляецца скразной.
Першае акно стартавай старонкі аддадзена прома-блоку, у які ўваходзяць ілюстрацыі са спасылкамі на рэалізаваныя праекты кампаніі. Кейсы пакрокава апісваюць, як кампанія працуе над рашэннем задач і якіх вынікаў яна дасягае. Кейсы таксама завяршаюцца прапановай заказаць званок.
